la nostalgia cà mi freca - Brunda

Vai ai contenuti

la nostalgia cà mi freca

Poesie
 
"La nostalgia ca mi freca"
di Fulvio Miglietta


Uardandu ' ntra lu piattu a dò sta mangìu
sempri chiù spessu mi succeti di viteri
lu portu cu li navi e lu monumentu allu casali
inveci di spaghetti, maccarruni o insalatina
E a voti li culonni ca stannu abbasciu alla marina.
Vi giuru mi fissu veramenti e ncerti seri
persinu nà brasciola o na purpetta mi diventa
nu bellu tiratufulu o nu spuenzulu tagghiatu
dopu mi ‘descitu e inveci ti sapori ti sta vanda
lu stomucu si chiuti cu nu bellu nnutu a 'ncanna
Mi sa c'aggiu capitu, stu fattu, di sicuru no dipendi
ca mi sta rosica la voglia di ricordi, osci la puè livari
qu quarche viaggu, ma ‘n cè na cosa ca no pozzu fari
ed è di quedda , vi lu ticu, ca mi veni davveru nostalgia:
la suppà cù lu pesci ca pesca nipotima Tubia
Torna ai contenuti