Lu sorgi - Brunda

Vai ai contenuti

Lu sorgi

Voci Brindisine
 

 
L u Sorgi

 
La stagioni s’era oramai nviata,ferragostu era  passatu e spittaummu  San Chiatoru cu ndi ritiraummu a casa ti Brindisi.
Dopo na sirata timpistosa cu mugghieruma , pilli soliti puttanate ,mera sce curcatu doppo ca era nzirragghiatu cancellu grandi cancellu piccinnu, porti e finestre di casa a mari. Tando era picchiatu suennu quando sintiu nnucculu ca mi trovai sittatu sobbra lu liettu . Comu nu rimbambitu no capia c’era successu, ma cuandu sintiu chiangiri mugghieruma, capiu ca era stata edda.
Mazai fucendo e scazatu mi nviai verso la cucina e cridai : ceteti ceteti cessuccesso!
Cu la paura ca lera pigghiatu,sittata sobbra alla banca,no parlava ,no fiatava: CHIANGIA !! ceteti ceteti a catuta?
a sciulatu ? ta brusciata? ce’ teti parla puezzi sta bona  Parla fatti assi lu fiatu .Parla no chiangiri parla.
Doppu tanta tiempu l’esse lu fiatu e mi faci segno ti na cosa longa mbero lu frigorifuru .
Capiu  subbitu : era visto nu sorge ntracasa. Pinsai subbitu : ADDIU   NUTTATA !!!!
Armatu ti mazza ti lavari a nterra  e zuecculu ntra latra manu cumenza la battaglia ti la contrada Betlemme.
Sposta mobili, sgombra stipi, sposta frigoriferi e cridandu ticia citta citta no chiangeri apri la porta ci sa ca essi .
Niente da fare non ci foi verso : S’ERA DISINTEGRATU. Vagnu ce’ nuttata passai . Ogni fugghiazza ca si muvia (quedda notti si mesi puru la tramontana cu sidiverti ) nu zumpu ti mugghieruma intra allu liettu e dicia : ANTO’ LU SORGI – ANTO LU SORGI Io ca allu crai era sciri a fatia ,li rispundia : CITTA TURMI CI SAPI CETE’ CA VISTO . A diri la verità qualche sera prima nu suspettu l’era vutu quando, adda ffori sotta alla veranda,qualche cacazzicchia l’era vista,pero’ mera stato cittu ca sinoi apriti cielu.
Infatti senza cu si ndidona mugghieruma,la notti stessa, doppu ca era pigghiatu fundu,qualche busta ti vilenu ntra casa era misu pi segnu. La matina mi azai chiu’prestu cu lu pinsieru cu vesciu ci stu fitente ti sorgi lu vilenu si lera futtuto
Ncredulu ca no sapia ci era vero o noni ,no trovai ne’ li quattro bustini ti vileno ne’ lu pumbitoru ca era misu pi’ segnu.
INTRA  DIMEI  DISSI :   E’ CAPPATU. LU FESSA  FAMI  TINIA LU MINCHIA
Pero’ non c’era traccia addo’ era sce  spicciatu.
Vutai e girai cittu cittu cuno’ sintia mugghieruma ma niente da fari : ERA SPARITO !!
Passara to nuetti sempre culu pensieri a cuiddu miserabile ti sorge e  senza mai fari nisciunu discorsu  a mugghieruma ,quando la seconda matina dopo lu trambustu ,sentu nu rumori ntra lu corridoiu : CACCHIO ERA IDDU !!
ca dopu ca sera sburdacchiatu vilenu e pumbitoru ,li sta facia effetto la mangiata ti la notti ti timpesta a casa mia .
Ormai chiu’ ti dai ca ti quai, paralizzatu e moribondu intra allu corridoiu  tanta ca,dopo ca mera  armatu arretu ti mazza a na manu, lu chiappai cu nu uanto e comu nu trufeo scappau nanzi allu liettu e cridandu a mugghieruma dicia : LAGGIU CHIAPPATU  LAGGIU CHIAPPATU. Era la fine pi iddu ma è stata la fine ti lu turmientu mia e di mugghieruma .
 
                                                                                     A. Baglivo
Torna ai contenuti