Sessant'anni
Voci Brindisine
S E S S A N T ‘ A N N I
Passunu li giurni , passunu li misi e passunu ahimè puru l’ anni.
Ti piccinnu no viti l’ora cu crisci e cu ti faci grandi ca ta mentere li cazi luenghi ,a sciri alli filmi vietati. E quantu chiu’ tiempu passa chiu’ ti sienti omo .
Manu manu ca iertisci pari ca tieni lu mundu sotta a tei .
E intanto Passunu li giurni , passunu li misi e passunu ahimè puru l’ anni .
Giovinottu piensi alla machina e alla fatia
Subitu zicchi a pinsari alla zita e doppu ca la truevi , piensi cu ti nsuri e cu faci fili (ti cuttoni comu ticu sempre iu) e tando cumensunu a rrivvari li prima soddisfazioni e li prima ca…..voli.
E intanto Passunu li giurni , passunu li misi e passunu ahimè puru l’ anni .
A trent ‘anni ti sienti nu leone ,a quaranta nu torello ,a cinquanta nagnello ma quando rrivi a sessanta ca cumienzi a mettere in pensione la fatia, l’hobby e lu pistolettu e cumienzi a pinsari : menchia maggio fattu vecchiu Mo so C…….avoli
Quando rrivunu li sessantanni pare ca rrivi a nu traguardu : TI spettunu tutti tandu :
li prima uai ti salute, li ccippunamienti , li problemi ti li fili e di li parienti ca cumenzunu cu sindivanno all’atru mundu e cumiensi a pinsari e dici : menchia quanto e crai tocca a mei.
Quantu ricordi belli e brutti ma …. annu passatu .
E quando ti ritruevi sobra alla sommita’ ti li sessantanni , capisci ca prima o poi addai ti tocca .
Avoglia ca faci lu fessa e dici : Sonto ancora giovine,stau buenu e via ti siegutu ma sai puru ca tieni SESSANTANNI e comu ticia mia madre ,prima o poi Addai ti tocca : ALLA NCHIANATA TI PORTA LECCE INTRA A QUATTRO TAVULE NCHIUTATE .
Ottobre 2007
Antonio Baglivo